Keçid linkləri

logo-print
2016, 04 Dekabr, bazar, Bakı vaxtı 12:14

Devid Plaf: «Mən adi vətəndaş kimi burda səfərdəyəm»


Devid Plaf Bakıya Azərbaycanda Vətəndaş Cəmiyyətinin İnkişafına Yardım Assosiasiyasının dəvətilə gəlib

Devid Plaf Bakıya Azərbaycanda Vətəndaş Cəmiyyətinin İnkişafına Yardım Assosiasiyasının dəvətilə gəlib

ABŞ prezidenti Barak Obamanın seçki kampaniyasının rəhbəri olmuş Devid Plaf Bakıdadır. Fevralın 9-da o, Qərb Universitetinin tələbələri qarşısında çıxış edib.

Cənab Plaf Bakıda şəxsi səfərdə olsa da, onun Azərbaycan parlamentində rəsmilər və prezidentlə də görüşü planlaşdırılır.

«Bu görüşlərdə Azərbaycanda medianın vəziyyəti, həbsdə olan jurnalistlərin problemlərini də qaldıracaqsınızmı» sualına cavabında cənab Plaf bunları deyib:

- Mən adi vətəndaş kimi burda səfərdəyəm. Seçkilər, internet, demokratiya haqqında danışıram. Kütləvi şəkildə insanların iştirak etdiyi bu seçkilərin necə keçməsi barədə mühazirə oxuyuram.

Devid Plaf Bakıya Azərbaycanda Vətəndaş Cəmiyyətinin İnkişafına Yardım Assosiasiyasının dəvətilə gəlib. Obamanın son prezident seçkisi kampaniyasında Plaf Amerikanın seçki tarixində görünməmiş məbləği toplaya bilib.

İndi isə qiyməti 1.5-2 milyon dollar dəyərində olan bir layihə çərçivəsində həmin kampaniya haqqında kitab yazır.

Günün bütün mövzuları

Şərhləri göstər

XS
SM
MD
LG