Keçid linkləri

2024, 29 Mart, Cümə, Bakı vaxtı 15:08

«Yeni Müsavat» Müsavatdan köçdü


Qəzetin fevralın 2-də işıq üzü görəcək sayı təzə ofisdə hazırlanır
Qəzetin fevralın 2-də işıq üzü görəcək sayı təzə ofisdə hazırlanır
Fevralın 1-dən «Yeni Müsavat» qəzeti metronun «Neftçilər» stansiyası yaxınlığında yerləşən ofisdə fəaliyyət göstərəcək. Dərnəgül qəsəbəsindən - Müsavat Partiyasının qərargahından köç başa çatıb və qəzetin fevralın 2-də işıq üzü görəcək sayı təzə ofisdə hazırlanır.
Qəzetin redaktoru Nazim Sabiroğlu «Media forum» saytına bildirib ki, 12 mərtəbəli yeni tikilinin 2-ci mərtəbəsində yerləşən redaksiyanın 250 kvadratmetr sahəsi var: «Rahatlıqdır».
Yanvarın 26-da «Media forum»a açıqlama verən «Yeni Müsavat» qəzetinin baş redaktoru Rauf Arifoğlu telefon xətləri çəkilmədiyindən və istilik sistemi qurulmadığından ofisin tam hazır olmadığını demişdi. N.Sabiroğlu artıq bu problemlərin aradan qaldırıldığını söyləyib: «Telefonlar işləyir. İstiliyə gəlincə, bütün otaqlarda kondisioner quraşdırılıb».
Əsası 1989-cu ildə qoyulmuş «Yeni Müsavat» qəzeti 1993-cü ildən Müsavat Partiyasının başqanı İsa Qəmbərin təsisçiliyi ilə çıxır. Qısa fasilələr nəzərə alınmazsa, son 15-16 ildə «Yeni Müsavat»ın redaksiyası Müsavat Partiyasının qərargahlarında yerləşib.
Yanvarın 16-da baş redaktor Rauf Arifoğlu 2009-cu il ərzində qəzetin yeni ofisə köçə biləcəyini açıqlayıb. O, Müsavat Partiyasının ofisindən çıxmaqla qəzetin müxalif kursunun və Müsavata özəl münasibətinin dəyişməyəcəyini bildirib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG