Keçid linkləri

2016, 11 Dekabr, bazar, Bakı vaxtı 12:30

E.Məmmədyarov: «Xarici radiolarla bağlı dialoqa hazırıq»


Valdner ümid edir ki, məsələ müsbət sonluqla bitəcək

Valdner ümid edir ki, məsələ müsbət sonluqla bitəcək

Avropa Birliyinin Xarici işlər komissarı Benito Ferrero Valdner Azərbaycanın Xarici İşlər naziri Elmar Məmmədyarovla xarici radioların FM tezliyinin alınmasını müzakirə edib.
«Xarici işlər naziri Elmar Məmmədyarov mənə dedi ki, Azərbaycan xarici radiolarla bağlı dialoqa hazırdır». Bunu Avropa Birliyinin Xarici işlər komissarı Benito Ferrero Valdner Bakıda səfərdə olanda jurnalistlərə deyib:

«Əlbəttə biz bu məsələni nazirlə müzakirə etmişik. Nazir Elmar Məmmədyarov dedi ki, Avropa Şurasının da təsdiq etdiyi qanunvericiliyə gərə, yayımla bağlı burada bəzi texniki maneələr var. Biz bu məsələni müzakirə etdik və məncə, nazir də qəbul etdi ki, Azərbaycanla razılaşma əldə etmək üçün dialoq baş tuta bilər. Ümidvaram ki, bu qəbul edilə biləcək razılaşma olacaq».

Milli Teleradio Şurası yerli qanunvericiliyə zidd olduğunu əsas gətirərək Azərbaycanda fəaliyyət göstərən üç xarici radiostansiyasını – «Azadlıq», «Amerikanın səsi» və BBC-nin milli tezlikdə yayımını dayandırıb.

Günün bütün mövzuları

Şərhləri göstər

XS
SM
MD
LG