Keçid linkləri

logo-print
2016, 03 Dekabr, şənbə, Bakı vaxtı 06:37
Azərbaycanın Xarici İşlər Nazirliyi (XİN) Rusiyanın Ermənistana 800 milyon ABŞ dolları dəyərində hərbi texnika və sursat verməsi ilə bağlı xəbərdən narahatlığını bildirir. Nazirliyin yanvarın 15-də yaydığı bəyanatda deyilir ki, ötürülmüş silah-sursat Azərbaycan ərazilərinin bir hissəsini işğal edən ölkənin hərbi potensialını əhəmiyyətli dərəcədə gücləndirəcək:

«Xarici İşlər Nazirliyi hesab edir ki, silahların ötürülməsi bu işğalın davamına və güclənməsinə imkan yaradacaq».

XİN bildirir ki, bu, BMT Təhlükəsizlik Şurasının Ermənistan-Azərbaycan münaqişəsinə dair qəbul etdiyi müvafiq qətnamələrin və BMT Baş Assambleyasında 14 mart 2008-ci il tarixdə qəbul olunmuş «Azərbaycanın işğal olunmuş ərazilərində vəziyyət» adlı qətnamənin bilavasitə pozulmasıdı:

«Burada söhbət ilk növbədə Rusiya tərəfindən Azərbaycan ərazilərinin işğalının davamına və güclənməsinə hər hansı addımları ilə yardım etməməyə dair öhdəliyinin pozulmasından gedir».

XİN bəyan edir ki, yuxarıda qeyd olunanlar münaqişənin nizamlanması ilə bağlı vəziyyətin gələcək inkişafına görə, Rusiyanın üzərinə xüsusi məsuliyyət qoyur.

Məlumatda Azərbaycan tərəfi Rusiya Federasiyasını silahların ötürülməsinin nəticələrinin aradan qaldırılması məqsədilə bütün mümkün tədbirlərin həyata keçirilməsinə çağırır.

«Media forum» saytı ötən həftə Rusiyanın Ermənistana 800 milyon ABŞ dolları dəyərində hərbi texnika və sursat verməsi xəbərini yayıb.

Rusiyanın Müdafiə Nazirliyinin polkovniki Aleksandr Petrun xəbəri təsdiq etsə də, nazirliyin Mətbuat Xidmətinin rəisi Aleksandr Drobışevski təkziblə çıxış etmişdi.

Günün bütün mövzuları

Şərhləri göstər

XS
SM
MD
LG