Bir neçə gündür ki, barələrində heç bir məlumat olmayan Naxçıvan sakini İsmayıl Hüseynovun həyat yoldaşı və oğlu hazırda evlərindədirlər. Məlumatı «Azadlıq» radiosuna ailənin yaxın qohumu Məhərrəm Hüseynov verib.
Ancaq onlar ətrafdan təcrid olunublar. Elvin Hüseynovun mobil telefonu alınıb, ev telefonlarından danışmaq isə məhdudlaşdırılıb.
72 yaşlı İsmayıl Hüseynovun özünün isə harada olduğu məlum deyil.
Digər valideynlər İbrahim və Türkan Vəliyevlərdə iki gündən çoxdur ki, Sədərək Rayon Polis şöbəsində saxlanılır. Bu barədə onların övladları Afiq Vəliyev məlumat verib.
Yeni il bayramı zamanı Naxçıvanın Sədərək rayonunda polis 7 gənci tutub, onların bəzədilmiş küknar ağacının işığını kəsməkdə təqsirləndirilir. Valideynlərin dediyinə görə gəncləri polis məntəqəsində döyüblər. Valideynlər polisə etiraz aksiyası keçirəndən bəri təqib olunurlar.
