Keçid linkləri

2016, 08 Dekabr, Cümə axşamı, Bakı vaxtı 16:34

Dövlət qəzetləri bahalaşdı


Dövlət qəzetləri son bir ildə ikinci dəfədir bahalaşır

Dövlət qəzetləri son bir ildə ikinci dəfədir bahalaşır

Yeni ilin ilk günü rəsmi dövlət qəzeti «Azərbaycan» və «Bakinski raboçi» satış qiymətini 30 qəpikdən 40-a qaldırıblar. Yanvarın 1-də hər iki qəzet satışa yeni qiymətlə çıxarılıb.
Yanvarın 6-dan «Xalq qəzeti» və «Respublika» da satış qiymətini 10 qəpik artıracaq. Hər iki qəzetdən bildiriblər ki, yanvarın 6-dan bu nəşrlərin də satış qiyməti 40 qəpik olacaq.

Rəsmi nəşrlər qiyməti 20 qəpikdən 30-a ötən ilin yanvarında qaldırmışdılar.

Ölkədə dörd rəsmi hakimiyyət qəzeti nəşr olunur. 1991-ci ildə «Həyat» adıyla yaradılmış «Azərbaycan» qəzetinin təsisçisi Milli Məclis, «Xalq qəzeti» (1919-cu ildən çıxır, sovet dövründə adı «Kommunist» olub), «Respublika» (1990-cı ildə Nazirlər Kabinetinin nəşri kimi yaradılıb) və «Bakinski raboçi»nin (1906-cı ildən çıxır, sovet dövründəki adını saxlayıb) təsisçisi isə Prezidentin İşlər İdarəsi və bu nəşrlərin redaksiyasıdır.
«Media Forum»

Günün bütün mövzuları

XS
SM
MD
LG