Keçid linkləri

logo-print
2016, 04 Dekabr, bazar, Bakı vaxtı 02:11

«Dedilər ki, siz kimsiniz, prezidentə qarşı çıxırsınız»


Murad Kərimov deyir ki, döyülməsinə səbəb monarxiya əleyhinə piketdə iştirakı olub

Murad Kərimov deyir ki, döyülməsinə səbəb monarxiya əleyhinə piketdə iştirakı olub

Dekabrın 26-da metronun «İnşaatçılar» stansiyası yaxınlığında hücuma məruz qalan Müsavat Partiyasının Gənclər təşkilatının üzvi Murad Kərimov 29-cu polis bölməsinə çağırılıb. Ondan baş verənlə bağlı izahat alınıb.
Murada Kərimov deyir ki, dekabrın 26-da axşam saatlarında iki naməlum şəxs tərəfindən döyülməsinə səbəb konstitusiya düzəlişlərinə etiraz əlaməti olaraq piketdə iştirak etməsi olub:

«Qabağımı kəsib dedilər ki, siz kimsiniz ki, prezidentə qarşı çıxırsınız. Təhqiramiz sözlər işlətdilər. Biri sinəmə yumruq vurdu, aşağı əyiləndə ikinci adam sol tərəfdən təpiklə məni vurub yıxdı. Yerə yıxılanda isə başladılar məni təpikləməyə, dedilər ki, bir də səni Müsavat Partiyasının qabağında görməyək».

Dekabrın 24-də Konstitusiya Məhkəməsinin dəyişikliklərə mənfi rəy verməsini tələb edən bir qrup müxalifətçi etiraz aksiyası keçirməyə cəhd edib. Lakin aksiya polis tərəfindən dağıdılıb. Bir neçə nəfər saxlansa da, sonradan sərbəst buraxılıb.

Günün bütün mövzuları

Şərhləri göstər

XS
SM
MD
LG