Noyabrın 11-də Milli Məclis gələn ilin dövlət büdcəsi haqqında qanun layihəsinin müzakirəsinə başlayıb.
Büdcə barədə İqtisadi siyasət komissiyasının sədri Ziyad Səmədzadə məlumat verdi. Daha sonra Maliyyə, İqtisadi inkişaf nazirləri, Hesablama Palatası və Milli Bankın rəhbərləri çıxış ediblər. Müzakirələr bir neçə iclas davam edəcək.
2009-cu il dövlət büdcəsinin gəlirləri 12 milyard 177 milyon manat, xərcləri 12 milyard 355 milyon manat proqnozlaşdırılır. Dövlət Neft Fondunun büdcəsinin xərcləri 5 milyard 676 milyon manat təşkil edəcək.
Dövlət büdcələrinin gəlirləri proqnozlaşdırılarkən neftin bir barelinin qiyməti 70 ABŞ dolları məbləğində nəzərdə tutulub.
