Keçid linkləri

2016, 08 Dekabr, Cümə axşamı, Bakı vaxtı 11:57

Əmanətlər bu dəfə də qaytarılmayacaq


Samir Şərifov deyir ki, MDB ölkələrində əmanətlərin qaytarılması praktikası özünü doğrulmadı

Samir Şərifov deyir ki, MDB ölkələrində əmanətlərin qaytarılması praktikası özünü doğrulmadı

«Sovet dövründə əhalinin banklarda qalan əmanətlərinin qaytarılması məsələsinə təmkinlə yanaşmalıyıq. Burada Azərbaycan dövlətinin maraqlarından çıxış etmək lazımdır»-, noyabrın 7-də Milli Məclis komissiyalarının iclasında Maliyyə naziri Samir Şərifov belə deyib.

Gələn ilin dövlət büdcəsi layihəsini müzakirə edən deputatlar əmanətlərin qaytarılması ilə bağlı nazirə sual veriblər.

Nazir bildirib ki, bu məsələ ilə bağlı parlamentin komissiyası fəaliyyət göstərir və bu vaxta kimi Maliyyə Nazirliyinə bununla bağlı hər hansı təklif daxil olmayıb.
S.Şərifov MDB-nin bəzi ölkələrindəki oxşar praktikasının özünü doğrulmadığını deyib: «Bəzi MDB ölkələri əmanətlərin qaytarılmasına başladı. Onlar fikirləşirdilər ki, bu addım banklara etimadı gücləndirəcək. Amma əksinə oldu, indi həmin ölkələr beynəlxalq maliyyə təşkilatlarından kredit almağa məcbur oldular».

SSRİ dağılarkən Azərbaycanda əhalinin banklarda qalmış əmanətləri həmin dövrün məzənnəsi ilə 4 milyard rubldan çox olub.

Günün bütün mövzuları

Şərhləri göstər

XS
SM
MD
LG