Keçid linkləri

logo-print
2016, 04 Dekabr, bazar, Bakı vaxtı 10:15

Heydər Babayev «vuruldu»


«H.Babayevə bağlı bütün məmurlar və biznes şəbəkəsi tamamilə çökdürüləcək»

«H.Babayevə bağlı bütün məmurlar və biznes şəbəkəsi tamamilə çökdürüləcək»

«Azadlıq» qəzeti:

İqtisadi inkişaf naziri Heydər Babayevə qarşı başlanan kampaniya məntiqi sonluqla nəticələndi. Heydər Babayev yeni formalaşdırılan hökumətdə yer almadı. 2005-ci ildən iqtisadi inkişaf naziri olan H.Babayev tutduğu vəzifəyə əlvida deməyə məcbur edildi. Onun yerinə isə vergilər nazirinin birinci müavini işləyən, 3-cü dərəcəli dövlət vergi xidməti müşaviri Şahin Mustafayev təyin edilib.

Ş.Mustafayevin fövqəladə hallar naziri Kəmaləddin Heydərovun çevrəsinə daxil olduğu bildirilir. Elə onun vergilər nazirinin birinci müavini işləməsi də «fövqəlnazir»in komandasında yer almasından xəbər verir.

H.Babayevin «vurulmasına» ən çox çalışan da K.Heydərov idi. Təbii ki, bunun səbəbi H.Babayevin sələfi Fərhad Əliyevin yolunu getməyə çalışması idi. H.Babayev də son vaxtlar «idxal mafiyası»na qarşı mübarizəyə başlamışdı. Bu isə təbii ki, «idxal mafiyası»nın başında dayanan K.Heydərovun maraqlarına zidd idi. Elə bu baxımdan da «fövqəlnazir»in çevrəsi H.Babayevi hədəf götürmüşdü. Hətta iş o yerə çatmışdı ki, K.Heydərovun himayədarlıq etdiyi prezidentliyə namizədlərdən biri efirdən H.Babayevi təhqir etməyə belə çəkinmədi...


«Yeni Müsavat» qəzeti:

… İndi belə anlaşıla bilər ki, hörmətli K.Heydərov öz arzusuna çatıb. Bu yolda iki nazirin başı yeyildi və nəhayət, üçüncüsü K.Heydərovun kadrı olaraq yeni təyinat aldı. Fərhad Əliyevlə bağlı nümunədən bilirik ki, K.Heydərov bu cür savaşlarda çox amansızdır və heç şübhə yoxdur ki, H.Babayevə bağlı bütün məmurlar və biznes şəbəkəsi tamamilə çökdürüləcək, ABU imperatorluğu darmadağın ediləcək. Eyni «divantutma» F.Əliyevin ailəsi, yaxın və uzaq ətrafı ilə bağlı baş vermişdi. Əlbəttə ki, bu məsələdə prezidentin mövqeyi bir nömrəli faktordur - o icazə verməsə, Babayevə dəyməyəcəklər…

H.Babayevin işdən çıxarılması dünən (oktyabrın 31-i) axşam elan olunsa da, artıq onun gələcək taleyi ilə bağlı bəzi məlumatlar yayılıb. Bu məlumatlar sırasında həbsinə hazırlıq getdiyi də var, sabiq nazirin ölkəni tərk etməyə çalışdığı versiyası da. Onun ailə üzvlərinin, demək olar ki, hamısı xarici ölkə vətəndaşıdır və Azərbaycandan sağ-salamat çıxa bilsə, H.Babayev İspaniyaya köçəcək...


«Ayna» qəzeti:

Beynəlxalq Valyuta Fondu (BVF) neftin qiymətinin düşməsi səbəbindən Azərbaycanın yaxın zamanlarda təhlükə ilə üzləşəcəyini proqnozlaşdırıb...

Azərbaycan üçün neftin qiymətinin kritik həddi bir barel üçün 40 dollar səviyyəsində müəyyənləşdirilib.

Dünya bazarında bir barel neftin qiyməti 111 dollardan aşağı olarsa, bundan İraq iqtisadiyyatı, 90 dollardan aşağı olarsa, İran iqtisadiyyatı əziyyət çəkəcək. Oman üçün kritik göstərici 77 dollar, Bəhreyn üçün 75, Qazaxıstan üçün 59, Əlcəzair üçün 56, Səudiyyə Ərəbistanı üçün 49, Liviya üçün 47, Azərbaycan üçün 40, Küveyt üçün 33, Qətər üçün 24, Birləşmiş Ərəb Əmirlikləri üçün isə 23 dollar təşkil edir.

Hazırda dünya bazarında neftin qiymətinin artıq 62-63 dollar səviyyəsinə düşdüyünü nəzərə alsaq, İraq, İran, Oman və Bəhreynin artıq əhəmiyyətli zərərlə üzləşdiyini görərik. Təhlükə artıq Qazaxıstan və Əlcəzairə yaxınlaşır, çünki həmin ölkələr üçün təhlükəli qiymət 59 və 56 dollardır. Dünya bazarında isə neftin ucuzlaşması davam edir...


«Yeni Azərbaycan» qəzeti:

Kənd Təsərrüfatı Nazirliyindən bildiriblər ki, Azərbaycanda bitkilik məhsulları istehsalı ilbəil artır. Belə ki, 2003-cü ilə nisbətən 2004-cü ildə taxıl istehsalı 4.9 faiz, bu il oktyabrın 1-nə 20.6 faiz artıb. Mövsüm ərzində 1027.1 min ton və ya keçən ildəkindən 7 faiz çox kartof, 16.8 min ton (23.5 faiz çox) dənlik günəbaxan, 1137.2 min ton (0.9 faiz çox) tərəvəz, 414 min ton (5.3 faiz çox) meyvə və giləmeyvə, 76.1 min ton (7.5 faiz çox) üzüm istehsal edilib.

Hazırda təsərrüfatlarda 2009-cu ilin məhsulunun əsası qoyulur. Bu məqsədlə cari ilin payızlıq əkinləri üçün 4905.3 min hektar və ya keçən ildəkindən 13 faiz çox sahədə şum aparılıb.

Günün bütün mövzuları

XS
SM
MD
LG