Keçid linkləri

2024, 29 Mart, Cümə, Bakı vaxtı 02:54

Namizədlər bir-birinin iqtisadi planlarını tənqid ediblər


Axırıncı rəy sorğularına görə, Obama Makkeyni 7 faiz qabaqlayır
Axırıncı rəy sorğularına görə, Obama Makkeyni 7 faiz qabaqlayır
Amerikada prezidentliyə namizədlər bir-birinin iqtisadi planlarını tənqid ediblər. Ohaya ştatındakı çıxışında demokrat namizəd Barak Obama deyib ki, respublikaçı Con Makkeynin də prezidentliyi sələfi Corc Buşun hakimiyyətinə oxşayacaq:
«21 ay və üç debat ərzində senator Makkeyn hələ də Amerika xalqına bir əsas şeyi deyə bilməyib – prezident olarsa, onu Buşdan nə fərqləndirəcək. (alqış) heç nə! Senator Makkeyn deyir ki, biz növbəti dörd ildə oturub dəyişmək üçün bəxtimizi gözləyə bilmərik. Amma siz bilirsiniz ki, ən böyük risk bu ola bilər ki, köhnə Buş–Makkeyn siyasəti qucaqlaşmasını dəstəkləyək. Bu siyasət isə son səkkiz ildə bizi zəiflədib».

Respublikaçı namizəd Con Makkeyn Deyton şəhərində çıxış edib, Obamanı vergi siyasətinə görə tənqid edib, deyib ki, həm Konqresi, həm də Ağ Evi demokratlara tapşırmaq təhlükəli olardı:

«Mənim rəqibimin vergiləri qaldırmaq siyasəti iqtisadi böhrana yanlış yanaşmadır. İqtisadiyyatın zəifləməsinə cavab vergiləri qaldırmaq deyil. Amma bu onu dəqiq göstərir ki, demokratlar Vaşinqtona tam nəzarət edəndə nə baş verəcək».

Axırıncı rəy sorğularına görə, Obama Makkeyni 7 faiz qabaqlayır. Amerikada prezident seçkiləri noyabrın 4-də keçiriləcək.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG