ABŞ prezidenti Corc Buş azərbaycanlı həmkarı İlham Əliyevi ikinci dəfə prezident seçilməsi münasibətilə təbrik edib. C.Buş iki ölkə arasında tərəfdaşlıq və dostluq münasibətlərinin dərinləşməsinə çalışacaqlarını bildirir:
«Biz xüsusilə ümumi enerji təhlükəsizliyi sahəsində məqsədlərimizdə irəliyə doğru addımların atılmasına və Dağlıq Qarabağ münaqişəsinin həllində təməl prinsiplərlə bağlı razılığın əldə olunmasına ümid edirik».
ABŞ prezidenti Azərbaycanın öz demokratik təsisatlarının möhkəmləndirilməsi istiqamətində göstərdiyi səyləri dəstəklədiyini bildirir:
«Mən əməkdaşlığımızın davam etdirilməsini səmimiyyətlə arzulayır, Azərbaycana davamlı sülh və müvəffəqiyyətlər diləyirəm».
