Keçid linkləri

2024, 29 Mart, Cümə, Bakı vaxtı 17:22

Politoloq İ.Məmmədov: «Qərb aciz danışdı»


«Beynəlxalq ictimaiyyət və Azərbaycan böhran içindədir. Amma gələcəkdə güclər nisbətinin dəyişəcəyinə ümid etmək olar»
«Beynəlxalq ictimaiyyət və Azərbaycan böhran içindədir. Amma gələcəkdə güclər nisbətinin dəyişəcəyinə ümid etmək olar»
«Bu dəfə sualı belə qoymaq olmaz: Qərb seçkiyə obyektiv və ya qeyri-obyektiv yanaşdı, bu dəfə Qərb aciz danışdı». «Azadlıq» radiosunun «Xəbər-ətər» proqramının qonağı politoloq İlqar Məmmədov Beynəlxalq Seçki Müşahidə Missiyasının hesabatına münasibət bildirərkən belə deyib.

«Acizlik ondan irəli gəlir ki, onların göz yumduğu, yetərincə açıq-aydın dilə gətirmədiyi repressiyalar nəticəsində Azərbaycanda avtoritar rejimə sivil, müasir alternativ yoxdur. Olmayan yerdə kimi və nəyi müdafiə etsinlər?..»
İlqar Məmmədov deyir ki, əslində bütün proseslər bir-birinə bağlıdır: «Beynəlxalq ictimaiyyət və Azərbaycan böhran içindədir. Amma gələcəkdə güclər nisbətinin dəyişəcəyinə ümid etmək olar».

Politoloq ATƏT-in hesabat hazırlama metodologiyasının qüsurlu olduğunu iddia edir:

«Düzdür, sənəd faktlarla zəngindir. Amma keyfiyyətli baxış təklif etmir, quru üslubda yazılmış hesabatdır. Beş illik şəraiti, ab-havanı kənara qoyub üç aylıq dövrə rəy yazmaq qüsurlu yanaşmadır. Bunun da nəticəsi olaraq sənəddə çatışmazlıqlar var».

İ.Məmmədov xatırladır ki, 2003-cü il prezident seçkilərində də ATƏT müşahidəçiləri arasında fikir ayrılığı vardı, missiya üzvlərindən üçü hesabatla razılaşmırdı. Bu dəfə də fikir ayrılıqları üzə çıxdı:

«Bu da metodologiyanın qüsurlu olmasıdır. Amma müsbət haldır ki, nöqsanları hamısını sadalayıblar».

Beynəlxalq Seçki Müşahidə Missiyası prezident seçkisinin gözəçarpan irəliləyişlə keçdiyini, amma ölkənin üzərinə götürdüyü bütün beynəlxalq öhdəliklərə cavab vermədiyi nəticəsinə gəlib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG