Moskvada mərhum jurnalist Anna Politkovskayanın şərəfinə mitinq keçirilib. «Azadlıq» Radiosunun rus xidməti xəbər verir ki, Hovopuşkinsko bağındakı mitinqə 300-ə qədər adam yığışıb. Oktyabrın 7-də tənqidçi jurnalistin ölümündən iki il keçir.
Moskvada mitinqə çıxanlar arasında jurnalistlər, hüquq müdafiəçiləri, müxalifət fəalları var. Onlar Politkovskayanın qatilinin mühakimə olunmasını istəyirlər. Sankt-Peterburqda, Yekaterinburqda da Politkovskayanın şərəfinə aksiya keçirilib.