Bu il Azərbaycanın Hərbi doktrinasının qəbul olunacağı gözlənilir. Bunu Müdafiə Nazirliyinin Mətbuat Xidmətinin rəhbəri Eldar Sabiroğlu sentyabrın 18-də keçirdiyi mətbuat konfransında deyib.
Eldar Sabiroğlu qarşıdan gələn prezident seçkilərində hərbi hissələrdəki seçki məntəqələrinə müşahidəçilərin daxil olmasıyla bağlı heç bir problemin olmayacağını deyib. Bundan əlavə o, bildirib ki, seçkiyə görə hərbçilərin tərxis olunma müddətində də hər hansı bir gecikmə olmayacaq.