Sentyabrın 10-da Tehranda bir iftar məclisində 20 azərbaycanlı fəalı həbs ediblər. Tutulanlar arasında tanınan yazarlar, fəallardan Abbas Lisaninin xanımı Ruqiyyə Lisani də var.
İftar məclisində həbs edilənlərdən biri də «Yaşmaq» jurnalının baş redaktoru Səid Muğanlıdır. O, bir müddət öncə «Azadlıq» radiosunun «Can Bakı» proqramının qonağı olmuşdu.
Fəalların həbsinin səbəbi, saxlandığı yer barədə məlumat yoxdur.
Azərbaycanlı fəalların həbsi xəbərini Azərbaycanlı Siyasi Məhbusların Müdafiə Assossasiyasının sözçüsü Vahid Qaradağlı verib.