Sentyabrın 2-dən ABŞ-ın vitse-prezidenti Dik Çeyninin regiona səfəri başlayır.
O, Bakıda prezident İlham Əliyev və digər hakimiyyət təmsilçiləri ilə görüşəcək, Gürcüstandakı prosesləri, Amerika-Azərbaycan münasibətlərini müzakirə edəcək.
Səfərdən öncə Dik Çeyninin ofisində keçirilən brifinqdə bildirilib ki, Azərbaycan terrorçuluqla mübarizədə əsas tərəfdaşlardan biridir, Əfqanıstana, İraqa əsgərlərini göndərib. Amerikanın vitse-prezidenti Azərbaycana bu yardımına görə təşəkkür edəcək.
Səfər zamanı ölkədə islahatlar və enerji məsələləri də əsas diqqət mərkəzində olacaq.
Dik Çeyni Azərbaycandan başqa Gürcüstan, Ukrayna və İtaliyaya səfəri edəcək.
Ekspertlərin fikrincə, Çeyninin səfərində Azərbaycanda demokratiya ilə bağlı kəskin tənqidi fikir deyəcəyini gözləmir. «O, regiondakı indiki vəziyyətdə ABŞ Azərbaycan hökuməti ilə üz-üzə gəlmək istəməyəcək, amma rəsmi Bakı daha çox ruspərəst mövqe tutsa, Amerika rəsmisi demokratiya ilə bağlı kəskin danışa bilər»-, bunu «Azadlıq» radiosunun Amerikadakı müxbiri Qorxmaz Əsgərov bildirib.
«Nyu-York Times» yazır ki, Amerika Rusiyanın özünə qarşı kəskin həmlə edə bilməz, Rusiya böyük dövlətdir, amma ABŞ dərhal təsir edə biləcək addım ata bilər. Məsələn, Rusiyadan yan keçən bütün enerji xətlərini açıq saxlaya, Ukrayna ilə Gürcüstanı NATO-ya qəbul etdirə bilər: «Çeyninin bir hədəfi də bu olacaq ki, münaqişənin ən azı böyüməməsinə nail olsun».
«Nyu-York Times» yazır ki, Amerika Rusiyanın özünə qarşı kəskin həmlə edə bilməz, Rusiya böyük dövlətdir, amma ABŞ dərhal təsir edə biləcək addım ata bilər. Məsələn, Rusiyadan yan keçən bütün enerji xətlərini açıq saxlaya, Ukrayna ilə Gürcüstanı NATO-ya qəbul etdirə bilər: «Çeyninin bir hədəfi də bu olacaq ki, münaqişənin ən azı böyüməməsinə nail olsun».
