Gürcüstanın separatçı regionu Cənubi Osetiyanın prezidenti hökuməti istefaya göndərib və ərazidə fövqəladə vəziyyət elan edib. Rusiya xəbər agentliklərinin yazdığına görə, prezident Eduard Kokoytı Nazirlər Kabinetini humanitar yardımları ləngitməkdə və tapşırıqları effektiv icra etməməkdə kəskin tənqid edib.
E.Kokoytı həmçinin Sxinvali və ətraf ərazilərinin bərpa edilməsi məqsədilə fövqəladə komissiyanın yaradılacağını bildirib.
