ABŞ prezidenti Corc Buş «Rusiyanın Gürcüstana qarşı hərbi təcavüz aktlarından» narahatlığını bildirib.
O deyib ki, Gürcüstan hökumətinə dəstək üçün ABŞ-ın Dövlət katibi Kondoliza Raysı Tbilisə yollayıb.
Ağ Evdə mətbuat konfransında çıxış edən Buş bildirib ki, Rusiya «sözünün üstündə» durmalı və Gürcüstanda böhrana son qoymalıdır.
Amerika prezidenti münaqişə zonasına humanitar yükün göndərildiyi haqda məlumat verib.
Onun fikrincə, Rusiyanın Gürcüstandakı hərbi əməliyyatları Moskvanın bu regiondakı niyyətləri haqda suallar doğurur.
