Keçid linkləri

2016, 08 Dekabr, Cümə axşamı, Bakı vaxtı 16:06

Ağsaqqalların bir yerə toplaşmağı qadağan edilib


Naxçıvanın Nehrəm kəndində ağsaqqalların bir yerə toplaşmasına icazə verilmir

Naxçıvanın Nehrəm kəndində ağsaqqalların bir yerə toplaşmasına icazə verilmir

Naxçıvanın Nehrəm kəndində ağsaqqalların bir yerə toplaşmasına icazə verilmir.

Kəndin inzibati cəhətdən tabe olduğu Babək rayon polisi ağsaqqallara bir yerə toplaşmağı qadağan edib.

«Dədə-babadan biz bir yerə toplaşıb, olub-keçənlərdən söhbət edirik. Kəndin dükan-bazarı, çayxanaları söküləndən sonra burada daş-kəssəyin üzərində otururuq». Ağsaqqallar bunu «Azadlıq» radiosuna bildirib.

Sakinlər deyirlər kənd rəhbərliyini əslində narahat edən camaatının bir yerə toplaşıb söhbət etməsidir. «Nə içməyə, nə də əkin sahələrini suvarmağa su imkan var. Nə də insanların məşğuliyyəti üçün iş yerləri var»-, ağsaqqallar belə deyir.

Ərazinin bələdiyyə rəhbəri Faiq Abutalıbov həqiqətən də kənddə su problemi olduğunu təsdiqləyib, lakin deyib ki, həmin yerin yaxınlığında tikinti getdiyinə görə camaata ora toplaşmağa qadağa qoyulub.

Naxçıvanının Babək rayonunun ən böyük kəndlərindən hesab edilən Nehrəm kəndində 2007-ci ilin noyabrında bir çox mağaza və iaşə obyektləri sökülüb. Bu mağazalar 14 min əhalisi olan kəndin əsas dolanışıq mənbəyi hesab edilirdi. Həmin vaxt yerli camaat etiraz aksiyası keçirmişdi.

Günün bütün mövzuları

Şərhləri göstər

XS
SM
MD
LG