Mayın 6-da Strasburqda Azərbaycan və Ermənistanın Xarici İşlər nazirləri Elmar Məmmədyarovla Edvard Nalbandyanın görüşü tanışlıq xarakterli olub.
Məlumatı «Azadlıq» radiosuna XİN-in sözçüsü Xəzər İbrahim bildirib. Onun sözlərinə görə, nazirlər Azərbaycan və Ermənistan prezidentlərinin görüşünün təşkil edilməsini də müzakirə ediblər.
Görüşdə ATƏT-in Minsk qrupu həmsədrləri ilə yanaşı ATƏT sədrinin şəxsi nümayəndəsi Anjey Kasprşik də iştirak edib.
Mayın 7-də isə Elmar Məmmədyarov Avropa Şurasının Nazirlər Komitəsinin toplantısında çıxış edəcək. Nazirin bir neçə ölkədən olan həmkarları ilə ikitərəfli görüşlər keçirəcəyi də gözlənilir.