Günün SMS-i
«Xəbər-ətər»

«İqtidar Yeni ili dəlixana olayları ilə başladı. Yeni ili nəylə başlarsan, onunla da qurtararsan deyiblər. Bir də ki, camaata da yaxşı olar, istədiyini rahat danışar, həm də yemək müftə...» (Murad)
SMS arxivi
(+994 50) 744 10 17
 
 
 
Sorğu
... ... ...
 
 

Cəmiyyət

Müslim Maqomayev vəfat edib Video

1997-ci ildə Günəş sisteminin balaca planetlərindən birinə onun adı verilib

25.10.2008

Tanınmış ifaçı Müslim Maqomayev oktyabrın 25-i səhər, uzunsürən ağır xəstəlikdən sonra vəfat edib. O, ürəyin işemik xəstəliyi və damarların aterosklerozundan əziyyət çəkirdi.

M.Maqomayev 1942-ci il avqustun 17-də Bakıda doğulub. O, 1962-ci ildə «Kreml» Sarayında verdiyi konsertdən sonra bütün Sovet İttifaqında tanınıb.

M. Maqomayev ilk solo-konsertini 1963-cü ilin noyabrında Çaykovski adına Konsert Zalında verib. 1963-cü ildə Azərbaycan Dövlət Akademik Opera və Balet Teatrının solisti olan M.Maqomayev 1964-65-ci illərdə Milanın «La Skala» teatrında təcrübə keçib.

M. Maqomayev 1969-cu ildə Sopotedə keçirilən festivalda I yeri qazanıb və Kannda «Qızıl val» alıb. 1973-cü ildə SSRİ xalq artisti adına layiq görülən sənətkar həmin il Azərbaycan Dövlət Simfonik Orkestrinin bədii rəhbəri olub.

M.Maqomayev «Nizami», «Oxuyur Müslim Maqomayev», «Moskva notalarda» filmlərində çəkilib, 20-dən artıq filmə musiqi yazıb.

1997-ci ildə Günəş sisteminin balaca planetlərindən birinə onun adı verilib.

Son vaxta qədər M.Maqomayev Moskvada yaşayır və hərdənbir xarici qastrollara çıxırdı.

M.Maqomayev oktyabrın 29-da dəfn olunacaq.