Çeyni İtaliyada Azərbaycandan danışdı

ABŞ-ın vitse-prezidenti Dik Çeyni İtaliyada səfərdədir.

 

İtaliyanın Xarici İşlər naziri Franko Frattini deyib ki, danışıqlar zamanı Çeyni ilə Avropa və Birləşmiş Ştatlar arasında sıx əməkdaşlığın olması fikrini bölüşüblər.

 

Görüşdə həmçinin Avropa Birliyinin neft və qaz məsələsində Rusiyadan asılılığını azaltmaq və Gürcüstanda baş verən son hadisələr də müzakirə edilib.

 

Avropa Birliyi bu asılığı azaltmaq yollarını oktyabrda keçiriləcək görüşdə müzakirə edəcək.

 

Frattini və Çeyni təklif ediblər ki, həmin görüşə Gürcüstan, Ermənistan və Azərbaycanı da dəvət etsinlər.